Saturday, January 24, 2009

A TALK WITH ALEX NIÑO & HANS BACHER

Biglang nag-text sa akin ang kaibigan kong taga-animation: "Randy, pupunta ka ba sa Friday sa Laurel House?"

"Anong meron?" reply ko.

"Magsasalita si Alex Niño kasama si Hans Bacher."

"Ha?! Andito siya?"

Kahit hindi na ako magkaugaga sa trabaho ay pinilit kong magkaroon ng rest day para lang makapunta. Friday ng 3pm, ako ang unang nakarating sa event. Nakausap ko ng kaunti si Mang Alex sabay pa-sign ng autograph ng 'Dead Ahead' comics at iba pang libro niya tungkol sa concept art.

Hindi masyadong na-promote ang event na ito kaya kaunting mga tagakomiks lang ang nakakaalam nito. Karamihan kasi ng nasabihan ay mga taga-animation, at tungkol naman talaga sa animation ang dahilan kung bakit naganap ang event na ito.

Dahil ako ang unag-unang dumating, nauna pa ako kay Mang Alex. Ako rin ang unang nakapagpapirma at nakaipagkuwentuhan ng kaunti.

Si Hans Bacher ang creative designer ng Mulan, Lion King at iba pang disney movies. Siya ang author ng librong Dream Worlds.

Mayroong mini-exhibit ng mga gawa ni Mang Alex.

Kabilang sa mga nagpapirma sina Simon Amores, Hannibal Ibarra at Joel Chua.

Big fan din ni Mang Alex si Ms. Imee Marcos na matagal nang sumusuporta sa industriya ng animation.

Sumulpot din ang mga layout artists ng animation (na mga dating komiks illustrators, sina Larry Santiago at Roland Guina.

Ipinakita ni Mang Alex ang 3rd issue ng Dead Ahead, 24 pages ito na dugtong-dugtong, walang putol. Kaya exciting ang komiks na ito.

Kabilang sa mga naka-displey ang mga concept art ni Mang Alex sa Mulan. Kapag nakita ninyo ang mga original art na ito ay talagang tutulo ang laway ninyo. Ibang level ang talino ni Mang Alex.

May natanggap akong impormasyon galing kay Tagailog na magkakaroon ng Komikon ngayon Mayo sa UP Bahay ng Alumni, hindi ko pa alam ang ibang detalye dito pero ang nag-organize nito ay Artists Den ulit. Iba pa ang regular na Phil. Komikon sa November.

6 Comments:

At Sunday, January 25, 2009 1:06:00 AM, Anonymous carlo P said...

Waaaa, bakit di namin nabalitaan ito
huhuhu

 
At Sunday, January 25, 2009 11:16:00 AM, Blogger Randy P. Valiente said...

Onga e, pero andun si Harvey Tolibao. Sya lang nakita kong taga GHG. Karamihan taga-animation na.

 
At Sunday, January 25, 2009 1:22:00 PM, Anonymous Carlo P said...

ngyak, di man lang nagsabi

 
At Sunday, January 25, 2009 9:21:00 PM, Anonymous Anonymous said...

Randy,

Saan ba umuuwi si Alex? sa San Sebastian Subdivision pa rin ba sa Tarlac ? pero ayon doon sa interview niya sa Tate, natabunan daw ang bahay niya ng 20 feet of Lahar, kaya saan ba siya nagpabahay ulit ? sa Maynila, saan siya tumutuloy ? siguro alam din ito ni Mang ess Jodloman, protege niya si Alex noong araw....

Auggie

 
At Monday, January 26, 2009 11:06:00 AM, Blogger Ner P said...

late ko rin nalaman to, and pinost ko kaagad sa alamat mailing list pero late na rin yun

 
At Monday, January 26, 2009 1:59:00 PM, Blogger Knovs said...

sayang... sana may kasunod pa.

 

Post a Comment

<< Home