ANG PINAKAMADALING PAGGAWA NG KOMIKS
Nang una kong makita ang komiks ni David Rees ay natawa na lang ako. Paano kasi ay puro cliparts lang ang ginamit niyang visual, copy-paste lahat. Sumikat sa ganitong klase ng komiks si Reese. Nabasa ko sa isang interview, kaya ganu’n ang komiks niya ay dahil hindi siya marunong mag-drawing pero gustong-gusto niyang gumawa ng komiks. Kaya ang tanging solusyon niya ay ipunin ang lahat ng koleksyon niyang cliparts at doon na lang siya kumukuha ng ilalagay sa bawat panels.
Sa aking personal na opinyon, ang komiks naman talaga sa tunay nitong esensya ay hindi pagalingan mag-drawing. Ang importante sa komiks ay ang ‘proper delivery’ ng words at pictures na madaling maintindihan ng readers. Relative kasi ang beauty. Maraming nagagandahan sa gawa ni Alex Ross pero may mga tao ring mas gusto ang gawa ni Robert Crumb.
Kaya nu’ng huling araw ko sa komiks workshop, sinabi ko sa mga estudyante na hindi porke nahihirapan kayong mag-drawing ng human figure ay hindi na kayo puwedeng gumawa ng komiks. Puwede naman kayong gumawa ng kuwento na ang bida ay kaldero na may mata, o kaya ay arinola na naglalakad at nagsasalita. I mean, creativity ang puno’t dulo ng paggawa ng komiks. Kaya mong bigyang buhay ang lahat ng non-living things sa mundong ito at gawin mo siyang parang human being na nag-iisip at nagkakaroon ng problema.
Sa panahon natin ngayon na malaki na ang naitutulong ng computer, naiisip ko nga na mas mahirap pa ang ginagawa ni David Rees dahil mayroon na ngayong mga softwares na makagagawa ka ng komiks na hindi mo na kailangan pang isa-isahin ang mga cliparts. Narito ang ilan sa mga nakita ko:
Readwritethink
Comic Book Creator
Tokyopop Manga Creator
Comic Creator
Strip Creator
Comic Strip Creator
Makebeliefs Comix
Manga Studio
Kaya kung may magsabi sa inyo na bago kayo makagawa ng komiks ay kailangan munang mahusay kayong mag-drawing ng tao…hindi totoo ‘yun. Ang ‘graphic narrative’ o ‘sequential art’ o komiks ay ang pagsasanga-sanga ng mga images at words para makabuo ka ng kuwento.
posted by Randy P. Valiente @ 9:53:00 AM
5 comments
5 Comments:
Randy, hindi instant comic creator yang Manga Studio tulad ng ibang samples mo. Para siyang Adobe Illustrator pero mas focussed into making comic pages. Just because it says Manga it doesn't mean that's what you can only make with the software. You still have to draw something with it.
I recommend na i-try ninyo yung free demo niyan. You'll be surprised to see how better it is in digital inking than Photoshop. Kasi you can rotate the canvas and the vector drawing tools help you in making smooth strokes and curves. Medyo confusing pag na-install niyo na dahil naka labas lahat ng window palettes (dahil default layout) pero you can just close everything except the layers, tools palette, and the art board.
-- regular reader
Ito pala isang link where you can see videos of an artist using Manga Studio: http://frenden.com/category/video/
-- regular reader
ang pinakamadaling gawing komiks ay ung ginagawa ng mga batang 5-6 yrs old.mga sticks lang ung mga braso at paa saka tuldok lang ang mga mata.
^ Yung xkcd sikat na sikat, ganyan lang ang style. Nasa pagsusulat yan. If the stories / jokes are interesting enough, people will read it.
just similar to the field of painting.there are variety of styles such as realistic, impressionism, surrealism etc and those are accepted by different type people.
Post a Comment
<< Home