Thursday, February 26, 2009

WHY ASIAN?


Malaking palaisipan sa akin itong binabasa kong libro na pinamagatang 'Why Asians are Less Creative than Westerners?' na isinulat ni Dr. Ng Aik Kwang (PhD). Sa kasaysayan nga naman ng daigidig, karamihan ng mga creative genuises gaya nina Albert Einstein, Pablo Picasso at Charles Darwin ay galing sa West at hindi sa East.

Isa sa pag-aaral ng author ay dahil sa kultura nating mga Asians. Mas itinuturing daw natin na 'may harmony tayo sa nature' samantalang ang Western thinking ay 'hinihigitan ang nature'. Totoo ang ganitong pananaw. At maidudugtong ko rin na nakaugat din ito sa religion. Mas malalim ang pagtingin nating mga Asyano sa relihiyon at pananampalataya.

Marami na ring sinusubukan ang mga Pilipino sa modern way of life. Gaya nitong gagawing First Filipino Freethinkers Forum sa The Fort sa darating na Sabado. Nakasentro ito sa atin bilang tao at ano ang papel ng relihiyon sa ating buhay.

Bilang isang manunulat at dibuhista, mas interesado ako kung ano ang nagiging papel natin sa mundo ng komiks/comics kung creativity ang pag-uusapan. Babagsak ba tayo sa study ni Dr. Kwang na mas less creative tayo kumpara sa mga counterparts nating Western comics creators? Any reactions?

At mas interesado rin akong malaman, na ang Pilipinas ang kaisa-isang Catholic country sa Asia, na sinakop ng Kastila (West) at hanggang ngayon ay nakasandig sa Amerika (West), ay may epekto ba sa atin bilang creative person?

Sa mundo ng komiks (o kahit sa anumang art), mas tingin ko ay nagiging 'enhancer' tayong mga Pilipino. Ipi-feed sa atin ang 'impormasyon' (knowledge), napapaganda at napaghuhusay natin ito. Pero hanggang doon nga lang kaya tayo? Malaking katanungan pa rin, kung mayroon nga ba tayong 'originality'.

Wednesday, February 25, 2009

SKETCHES 2

Habang nag-iisip kung paano ako magiging aswang.

Naglalaro sa lapis.

Tuesday, February 24, 2009

BROWN RICE

First time kong nakakain ng brown na kanin. Masarap pala. Mabigat sa tiyan. Mabigat din sa bulsa.

Sunday, February 22, 2009

SKETCHES 1

Habang umiinom ng kape...

Friday, February 20, 2009

Famous Pinoy inspires young artists


From Inquirer, Feb. 19, 2009 issue:

Famous Pinoy inspires young artists

Alex Niño, the famous Pinoy comic book artist best known for his work in American publications DC and Marvel Comics, was in town recently to meet with local comic book art enthusiasts at the Laurel House in Mandaluyong City....

CG PINOY



Congratulations sa members ng CGPinoy sa successful na meet-up ng grupo sa Glorietta, Makati. Ilang beses nang nagkita ang grupo pero first time lang akong nakasama, medyo nahihiya kasi ako noong una dahil ako lang ang tagakomiks, baka ma-out-of-place ako. Karamihan ay mga computer graphic artists, interior designers at architectural artists na nagtatrabaho din sa ibang bansa (parang Guhit Pinoy). Masasaya silang kasama. Ang mga usapan ay tungkol sa SketchUp, 3dStudio Max at VRay (mga softares na ginagamit nila sa architecture) at kung paano pa mai-improve ang forum at ang samahan.

Sa wakas ay na-meet ko rin si Christine, ang kaisa-isang babaeng naka-attend, na Valiente din pala ang apelyido. Nagkaroon tuloy ako ng instant kamag-anak.

Sa lahat ng mga ka-CG, mabuhay kayo!

Wednesday, February 18, 2009

ANIMATION CHARACTER at TV SHOW

Isa sa main character ng animated tv show for American audience na kasalukuyan kong ginagawa. Pagkatapos nito ay sisimulan ko na ang assignment ko ng ilang pages para sa Heavy Metal Illustrated Magazine, gusto ko nang masimulan ito dahil medyo mahirap-hirap ito dahil ako rin ang magpipinta ng gawa ko. Yes! Digital painting ang gagawin ko dito.


*****
Ipi-feature sa programang 'Lovely Day' ang mga komiks collections ko ngayong Sabado, 9:30 ng umaga sa channel 7. Medyo disappointed lang ako dahil akala ko ay isasama nila ang mga paborito kong komiks (karamihan kasi ay classic at underground), nakasentro lang sila sa mga komiks na pambata gaya ng Funny Komiks. At hindi na rin ako nakaangal nang ipahanap nila ang mga Wolverine (Marvel) comics ko na gusto nilang i-feature dahil sikat na character ito. Gusto ko pa sanang ipakita si 'Maus' na gawa ni Art Speigelman na mas may malaking impact sa akin as komiks creator kesa sa Wolverine.

Sa kabuuan ay okay naman ang interview at nahatsing silang lahat dahil inilabas ko sa maalikabok na baul ang mga luma kong komiks hehehe. Hindi pala ako ang nakaupong iyan kundi ang host na si Jacob Raterta.

Friday, February 13, 2009

Thursday, February 12, 2009

LOVELY DAY

Pinagawa lang sa akin para sa 'Lovely Day' ng GMA 7. Abangan niyo na lang kung kailan ito lalabas sa TV. Ang pagkakaalam ko ay every Saturday morning ang programa.

COMICS ART WORKSHOP


For inquiries, please visit: http://johnbecaro.deviantart.com/

Wednesday, February 11, 2009

STREETBALL

2 weeks ago pa sana nailabas itong iphone game na Streetball pero may inihabol pang isang character na tiyak na ikatutuwa ng mga players...si Barrack Obama. At maglalaro din siya ng basketball...habang naka-coat and tie!


Kung meron kayong iphone o itouch, puwede na ninyong itong bilhin sa itune store sa halagang $3.99

http://www.batteryacidgames.com/streetball/index.html

Nakakuha na rin ito ng magagandang reviews galing sa mga gamers.

Ang Streetball ay hatid ng independent game development company na Battery Acid Games.

Isang project pa para sa animation studio ang tinatapos ko at babalik na ulit ako sa komiks. Sabik na akong humawak ng script.

Sunday, February 08, 2009

SILANG MGA ALAMAT

Naikuwento ni Hannibal Ibarra kay Alex Niño na aktibo pa rin si Jess Jodloman kapag may gathering ang mga komiks people. Bigla daw natuwa si Mang Alex at buong pananabik na nagtanong kung kumusta na si Mang Jess, halata din daw sa mukha nito na gusto nitong makita ang beteranong artist.

Kung hindi na ninyo itatanong, si Alex Niño ay naging assistant ni Jess Jodloman, kung hindi man ay malaki ang naitulong sa pagiging ‘mature’ ng art ni Niño. Ibig sabihin, sa mundo ng isang matagumpay na tao (gaya ni Niño), ay may isang inspirasyon na nagmumula sa isang mentor at tagapagturo ng art.

Si Jess Jodloman ay isang pundasyon ng komiks ng Pilipino. Napatunayan ko rin ito nang magkaroon ng kauna-unahang meeting ng Konggreso ng Komiks dalawang taon na ang nakararaan. Laking tuwa ni Carlo Caparas nang makita si Jess Jodloman na naka-attend sa meeting. Hindi siya makapaniwala (si Caparas) na makikita pa niya ang beterano. Inamin niya sa lahat na isang malaking impluwensya sa kanya ang ‘Ramir’ ni Mang Jess sa kanyang mga trabaho.

At para na rin sa kaalaman ng marami, kung makikita ninyo ang trabaho ni Mang Jess noong kanyang kapanahunan ay ‘kakaiba’ ito kumpara sa ibang mga kasabayan (Coching, Caguintuan, etc.). ‘Kakaiba’ dahil may anyo ito ng Europian comics. Kumakawala ito sa nakasanayan nang ‘trend’ ng panahong iyon.

Magandang pag-aralan ang salitang ‘kumakawala’ dahil ito rin ang naging guide ni Alex Niño kaya ‘kumakawala’ din sa trend ang kanyang mga trabaho. Ito ang ‘art’ sa tunay nitong esensya. Kailangan mong ‘sirain’ at ‘basagin’ ang nakagawian na para mag-standout ka sa karamihan.

Ngunit hindi ito ang punto ng artikulo kong ito.

Narito ang dahilan kung bakit matagal ko na itong gustong isulat, last year pa, at ngayon lang ako nakakuha ng buwelo.

Komikon 2008 sa UP, Diliman. Alas tres ng hapon, nagkukuwentuhan kami ng mga kaibigan sa labas ng Bahay ng Alumni nang makita kong parating si Mang Jess at ang kanyang anak na si Grace. Dagli akong sumalubong para alalayan si Mang Jess na halata nang hirap sa paglalakad.

Sa entrance pa lang, iniisip ko na kung saan ko siya dadalhin, dahil maski si Grace ay hindi rin naman alam kung kaninong booth tutuloy. Sa dami ng tao, lalo ng mga fans ng komiks na abala sa kani-kanilang chikahan, naisip ko na dalhin na lang sina Mang Jess sa puwesto ng exhibit nina Coching at Alcala sa gilid dahil medyo tahimik at may mga beterano ring makakausap. Sinalubong ng ilang Guhit Pinoy members si Mang Jess para kumustahin, gayon na rin ang anak nina Coching at Alcala.

Habang nagbabalitaan kami, at nakatingin ako sa karamihan ng mga tao sa loob ng Komikon, naglalaro sa isip ko ang ilang alalahanin. Sa American comics convention ba, kapag nakita mong pagala-gala si Harold Foster (Prince Valiant) ay wala kang pakialam? O kaya sa French comics convention, kapag nakita mong parating si Moebius, wala ka bang pakialam? Sa palagay ko ay hindi. Baka pagkaguluhan ng mga attendees ang mga beteranong ito.

Dito sa Pilipinas, habang pagala-gala ang isang Jess Jodloman sa loob ng convention, na siyang pinaka-beterano at pinaka-senior na writer/artist sa komiks na nasa loob ng Bahay ng Alumni, ay hindi na pinag-iintindi ng mga attendees. Ang masakit pa, baka dinadaan-daanan lang.

Nalulungkot ako sa ganitong mga sitwasyon. Kulang pa talaga sa kaalaman ang karamihan ng fans ng komiks dito sa atin. Kulang pa tayong lahat sa edukasyon kung bakit ang ‘komiks world’ dito sa atin ay mahirap nang pantayan ang ‘maturity’ ng comics world ng Japan, America at France. Nakapanghihinayang dahil isa tayo sa lahing iginagalang pagdating sa comics illustrations saanmang panig ng mundo.

Nalulungkot na lang ako dahil mas kilala pa ng karamihan sa atin sina Jim Lee at Alex Ross. Mas pinapantasya pa natin na sana ay makapagpa-autograph tayo sa mga taong ito kesa makipagkuwentuhan sa mga taong nasa sarili nating bakuran.

Salamin ito ng ating lipunan. Hindi ko na pahahabain pa kung bakit.

Sana sa mga susunod na Komiks conventions dito sa atin, magkaroon ng isang sandali, kahit maikling-maikling sandali lang sa buong araw na event, kahit tatlong minuto lang, bigyan niyo ng pagpupugay ang mga tulad nina Jess Jodloman, at sangkatutak pang alamat ng Pilipino komiks, bago man lang sila isa-isang mawala sa mundong ito....Pakiusap.

Friday, February 06, 2009

Paalam kay Mang BERT GABIANO, Hanggang sa Muli


Isa na namang beteranong illustrator ng komiks ang yumao sa katauhan ni Bert Gabiano. Isa siya sa hinangaan ko noong sumusubaybay pa ako sa Samurai Komiks ng GASI.

Huli ko siyang nakita last year sa likuran ng SM Megamall pagkatapos ng meeting sa opisina ng Sterling. Biniro pa namin siya na samahan kami sa pagtingin ng mga seksing chicks sa loob ng mall. Maraming nakapansin na pumayat ng sobra si Mang Bert at malaki na ang ipinagbago ng sigla ng katawan.

Kasalukuyan siyang nakaburol sa Rizal Funeral sa Libertad, Pasay.

Thursday, February 05, 2009

Monday, February 02, 2009

ANOTHER TALK WITH ALEX NIÑO & HANS BACHER, SUMMER KOMIKON!!!

Everyone is invited to "A Talk with Alex Niño and Hans Bacher." These two giants in the comics and animation industry will share their experiences in comics and animation, among them, their collaboration in Disney's animated feature film "Mulan."

The talk will be on Feb. 17, 2009, Tuesday, 5:00 - 9:00pm at the SDA Cinema, 12th flr. SDA Campus, DLS-CSB 950 Pablo Ocampo St. (former Vito Cruz) Malate, Manila.

This activity can be credited as one(1) seminar point for MMA and Animation students.

There will be an entrance fee of Php100.00 for CSB students and Php 150.00 for outside guests. Payment will be accepted at the entrance of the cinema during the event. Please register to Ms. Even (call 5366752 loc. 137) or Ms. Nitz at the SDA office since seating slots are limited.

*****

THE HOTTEST CONVENTION THIS SUMMER!!!

YES, maybe, literally and figuratively...It's going to be the HOTTEST CONVENTION THIS SUMMER!!!

KOMIKON SUMMER FIESTA 2009
Date: May 16, 2009, Saturday
Time: 10:00am - 8:00pm
Venue: UP Bahay ng Alumni, UP Diliman, QC
Tickets: P50

Wear your coolest summer clothes and catch the first wave of bigger things to come!!! Stay tuned for more details.

For sponsors, exhibitors and indie tiangge inquiries, please email komikon@gmail.com or visit http://komikon.blogspot.com/